"Liverpul" himoyachisi va sardori Virjil van Deyk niderlandiyalik mutaxassis Arne Slot boshchiligidagi yangi mavsumdan umidlari bilan o‘rtoqlashdi.

"Mening fikrimcha, mavsum qancha davom etishini hisobga olib, biz bir nechta xaridlarni amalga oshirishimiz kerak, ammo menimcha, klub buning ustida ishlamoqda. Men rahbariyatga to‘liq ishonaman va ular to‘g‘ri ish qilishiga va har bir turnirda qatnashish uchun eng yaxshi tarkibni to‘plashiga ishonaman.

Biz imkon qadar uzoqqa boramiz, bu bizning maqsadimiz. Mening ambisiyam bor, barchamizning ambisiyalarimiz bor. Biz hammamiz eng yaxshi natijaga erishmoqchimiz. Biz ishtirok etgan har bir turnirda g‘alaba qozonishga harakat qilamiz. Bu deyarli imkonsiz, lekin biz Premyer-liga boshlanishiga tayyormiz, keyin esa mavsum davom etar ekan, o‘samiz va juda yaxshi o‘yin ko‘rsatamiz degan umiddamiz", - dedi van Deyk The Independent bilan suhbatda.

Eslatib o‘tamiz, Yurgen Klopp o‘tgan mavsum oxirida "Liverpul"ni tark etgandi. Murabbiy faoliyati davomida 13 ta yirik sovrin, jumladan, ikkita Germaniya chempionligi, Angliya chempionati va Chempionlar ligasidagi g‘alabani qo‘lga kiritgan.

"Liverpul" 2023/2024 yilgi mavsumda APL turnir jadvalida uchinchi o‘rinni egalladi. Jamoa 37 uchrashuvda 79 ochko jamg‘argan.