"Barselona"ning sobiq futbolchisi Andres Inyesta yarim himoyachi Serxi Robertoning Kataloniya klubini tark etgani haqida fikr bildirdi.
"Barselona"da ko‘p yil o‘tkazganingizdan so‘ng orzungiz amalga oshgani bilan tabriklayman. Siz bilan bir jamoada shuncha vaqt o‘ynaganimdan xursandman. Sizga eng yaxshi tilaklarimni tilayman", — deb yozdi Iniyesta ijtimoiy tarmoqlaridan birida.
Eslatib o‘tamiz, o‘tgan mavsumda Serxi Roberto barcha turnirlarda 24 ta o‘yinda qatnashib, 3 ta gol va 3 ta golli uzatmaga mualliflik qilgan. Roberto "Barselona" safida jami 373 ta o‘yin o‘tkazib, 26 ta gol urdi va 46 ta golli uzatmani amalga oshirdi.
Futbolchining klub bilan tuzilgan shartnomasi 2024 yilning 30 iyuniga qadar amalda edi.