Niko Uilyams «Atletik»da 10-raqamni oldi.
Bilbao klubi 2024/25 yilgi mavsum uchun rasmiy qaydnomasini e’lon qildi, unda ispaniyalik vinger 10-raqamni olganini ko‘rish mumkin.
«Men Munidan («Atletik»ni mavsum oxirida tark etgan Iker Muniain) 10-raqam haqida so‘radim. Men bu raqamni olib, xuddi u kabi tarixga kirganimdan juda faxrlanaman», - dedi Uilyams klubning ijtimoiy tarmoqlarida joylangan videoda.
Avvalroq Uilyams «Barselona»ga o‘tishga rozi bo‘lgani xabar qilingandi, biroq keyinchalik bu ma’lumot rad etildi.
