"Manchester Yunayted"ning yangi futbolchisi Matteys de Ligt o‘zining sobiq jamoasi "Bavariya" bilan xayrlashdi. Seshanba oqshomida niderlandiyalik futbolchi rasman nemis klubini ingliz klubiga almashtirdi.
"Bavariya"da o‘ynash men uchun sharaf edi. Qo‘llab-quvvatlashi va sevgisi uchun barchaga minnatdorchilik bildiraman. Unutilmas lahzalarni boshdan kechirdik. "Bavariya"da ikki ajoyib yilni o‘tkazdim. "Bavariya"ga omad va ko‘p sovrinlar tilayman", - deya de Ligtning so‘zlarini keltiradi "Bavariya" matbuot xizmati.
