Madridning “Real” klubi yarim himoyachisi Federiko Valverde UYEFA Superkubogida “Atalanta”ga urilgan gol (2:0) haqida gapirdi.
“Men nima kutishni bilardim. Shuncha yil bir jamoada ishlaganingizdan so‘ng siz sheriklaringizni ichkaridan ham, tashqaridan ham yaxshi bilib olasiz. Tushundimki, bizda ko‘p e’tiborni o‘ziga qaratishga qodir ajoyib hujumchilar bor. Biz yarim himoyachilar bundan unumli foydalanishimiz kerak. Men bo‘sh zonani ko‘rdim va Vini, har doimgidek, to‘g‘ri qaror qabul qildi. Yaxshiyamki, hammasi gol bilan yakunlandi", - deya Valverde so‘zlarini keltiradi UYEFA rasmiy sayti.
