Superligada 14-turning qoldirilgan uchrashuvlari bo‘lib o‘tdi. «Olimpik» jamoasi bu tur o‘z maydonida «Nasaf»ni qabul qildi va 0:2 hisobida imkoniyatni boy berdi. Bellashuvdan so‘ng jamoa bosh murabbiyi Denis Korostichenko matbuot anjumanida ishtirok etdi.

— Birinchi navbatda yigitlarga janga qilishgani uchun tashakkur bildiraman. Murabbiylar shtabi ham yaxshi tayyorgarlik ko‘rganini ko‘rsatdi. Yaxshi imkoniyatlardan foydalana olmadik. Ularni g‘alaba bilan tabriklayman. Yakunda nima bo‘ladi bilmayman, ammo Qarshi klubi chempionlik sari odimlamoqda. Ular turnir jadvalida yetakchi. Biz bugun yaxshi uyushgan kuchli jamoa bilan o‘ynadik. Natija yaxshiroq bo‘lishi mumkin edi, biroq tajriba o‘z so‘zini aytdi. Jizzax klubi bilan bo‘lgani kabi vaziyatlar bo‘lmadi, ammo shogirdlarimdan ko‘nglim to‘ldi.

— «Olimpik» birinchi bo‘limda bo‘lgani kabi ikkinchi qirq besh daqiqalikda aktiv bo‘lmadi?!

— Sezgan bo‘lsangiz ikki uchrashuvdan so‘ng ayrim o‘zgarishlarni amalga oshirdik. Avvalgi bahslarda zaxiradan tushib tempni oshirgan futbolchilarimiz bugun ilk daqiqalardan maydonga tushdi. Biz bu rejani tanlab, o‘yinga tezlik qo‘shmoqchi edik. Ikki taymda bunday tempda o‘ynash qiyin. Bizni zaxiradan jangga tashlagan futbolchilarimiz reja asosida naf bermadi. Majburiy ikki o‘zgarish ham pand berdi. Bu borada ishlaymiz. Tahlil qilamiz.

— Alisher Odilov masalasida oydinlik kirta olasizmi?

— Jiddiy versiya yo‘q. U bilishimizcha, Osiyoning boshqa klubi bilan shartnoma imzolamoqchi. Tez orada BAAga yo‘l oladi. Boshqa ma’lumot bizda yo‘q.

— «Olimpik»da o‘yin bor, ammo natija yo‘q. Jamoa qachon ochko jamg‘arishni boshlaydi?

— Biz har bir bahsda g‘alaba uchun o‘ynayapmiz. Bizga har safar bitta imkoniyat yetmayapti. Biz o‘yin tomondan kuchayib boryapmiz. Top jamoalar bilan kuch sinashdik. Mehmonga Farg‘onaga boramiz. Omad kulib boqsa, g‘alaba bilan qaytamiz.