Yakshanba tongida o‘tkazilgan UFC 305 turniridan keyin barcha vazn toifalari reytingida o‘zgarishlar kuzatildi.
Jumladan, UFC 305 turnirida g‘alabaga erishgan Drikus Dyu Plessi va Den Xuker vazn toifasidan qat’iy nazar P4P reytingida ko‘tarilishga erishishdi.
Israel Adesanyaga qarshi jangda o‘rta vazndagi UFC chempionlik kamarini muvaffaqiyatli himoya qilgan Janubiy Afrika Respublikasi vakili besh pog‘onaga yuqorilab, 6-o‘rinni band etdi.
Dyu Plessiga imkoniyatni boy bergan nigeriyalik jangchi P4P reytingida aksincha, 13-pog‘onadan 15-o‘ringa pastladi. Mateush Gamrotni ochkolar hisobiga ko‘ra mag‘lubiyatga uchratgan Den Xuker esa 11-pog‘onadan 5-o‘ringa yuqoriladi. Gamrot esa yengil vazn toifasi reytingida 5-o‘rindan 8-pog‘onaga pastladi.
