“Manchester Siti”ning 30 yoshli o‘ng qanot himoyachisi Joau Kanselu, OAV xabariga ko‘ra, avvalroq Saudiyaning “Al-Hilol” klubidan uch yillik shartnoma uchun 70 million yevro evaziga taklif olgan va “Barselona”ga qaytish istagini bildirgan.

Manbaga ko‘ra, Kataloniya klubi portugaliyalik futbolchining xizmatlariga qiziqish bildirmoqda va "Manchester Siti" bilan futbolchini yangi ijaraga olish bo‘yicha kelishuvga erishmoqchi.

O‘tgan mavsumda Kanselu barcha musobaqalarda 42 ta o‘yinda qatnashib, 4 ta gol va 5 ta golli uzatmaga mualliflik qilgan.