Perudan yana bir xushxabar. Yengil atletika bo‘yicha U-20 yosh toifasidagi jahon chempionatida medallar uchun kurashni davom ettiradigan sportchimiz yana bittaga ko‘paydi.
Balandlikka sakrash dasturida ishtirok etayotgan Barnoxon Sayfullayeva saralashda 1.83 metr natija bilan eng kuchli 12 sportchi orasidan joy oldi. Endi u ham Sharifa Davronova kabi 31 avgust kuni final bosqichida medallar uchun kurashadi.
O‘nkurash dasturida Nodir Norboyev ishtirokini davom ettirmoqda. Hozirda hamyurtimiz 5 dasturdan keyin 3036 ochko bilan 21-o‘rinda ketmoqda. Bugun u yana 5 yo‘nalishda startga chiqadi.
