Saudiya Arabistoni Ko‘ngilochar bosh boshqarmasi raisi Turki al ash Shayh boks turnirlarining PPV translyasiyasi narxini pasaytirmoqchi.

"Turnirlar translyasiyasi narxini ko‘rganimda, ko‘pchilik janglarni nima uchun lisenziyasiz ko‘rishni tanlashini tushunaman. Saudiya Arabistonidagi turnirlarimiz translyasiyasi narxi 20 funtdan pasaytirishga erishishga harakat qilaman.

Translyasiyani 40 funtdan 500 ming muxlis olganidan ko‘ra, 20 dollardan 1 million odam olishini ma’qul ko‘raman. Bu boksga yomon ta’sir qilmoqda.

Agar men muxlislarga yaxshi janglarni yaxshi narxlarda bersam, muxlislarni ko‘paytira olaman. Bivol-Beterbiyev jangiga keladigan bo‘lsak, translyasiya narxi Britaniyada 15 funt, butun dunyo bo‘ylab esa 15 dollardan bo‘ladi", - dedi Turki.