Germaniya terma jamoasi hujumchisi Niklas Fyullkrug yarim himoyachi Joshua Kimmixning jamoaning yangi sardori etib tayinlangani haqidagi xabarga izoh berdi.
"Bundestim"ning sobiq sardori Ilkay Gyundogan Yevro-2024dan keyin terma jamoadagi faoliyatini yakunlashini ma’lum qilgandi.
"Joshua — haqiqiy sardor. U boshqalarga o‘rnak bo‘ladi. U mening jamoam bilan mashg‘ulotlarda ishtirok etsa, men doim xursandman, chunki u bilan g‘alaba qozonish imkoniyati yuqoriroq. Yevrodan keyin Kimmix nihoyat Germaniyada o‘zining kimligi bilan qabul qilinayotganidan xursandman. Ko‘pincha unga boshqacha qarashardi. Joshua juda mohir o‘yinchi va chinakam ajoyib inson", - deydi futbolchi.
