10-15 sentyabr kunlari Portugaliyaning Kaldash-da-Rainya shahrida zamonaviy beshkurash bo‘yicha U-17 yosh toifasidagi jahon chempionati bo‘lib o‘tadi. Mazkur musobaqada O‘zbekiston terma jamoasi a’zolari ham ishtirok etishadi.
Hozirda sportchilarimiz belgilangan manzilga yetib borishgan. Bugun vakillarimiz musobaqa oldidan so‘nggi tayyorgarlik mashg‘ulotini o‘tkazishmoqda va ertadan bahslarga kirishishadi. Dunyo birinchiligida Samira Abzalova, Mehriniso Qahramonova hamda Mubinaxon Qodirjonova yurtimiz sharafini himoya qiladilar.
