Rafa Mir "Valensiya"ning keyingi ikki o‘yinini o‘tkazib yuboradi.
Ispaniya klubi futbolchini jarimaga tortdi va jinsiy zo‘ravonlik ayblovlari bilan bog‘liq vaziyat tufayli La Ligada ikki o‘yinga diskvalifikasiya qildi.
Oldinroq forvard o‘zining aybsizligi haqida bayonot bergandi.
Hujumchi shu hafta yakka tartibda shug‘ullanadi va jarima to‘laydi. U "Atletiko" va "Jirona"ga qarshi o‘yinlarda maydonga tushmaydi.
Bu qarorni klubning o‘zi, murabbiylar shtabi ishtirokisiz qabul qilgan.
Shu bilan birga, Rafa Mir jamoa bosh murabbiyi Ruben Baraxa bilan allaqachon gaplashgan.
