“SSKA” futbol klubi muxlislari tomonidan “Zenit — Rossiya futboli uchun sharmandalik” deya hayqirgani uchun jarimaga tortildi. Agar bu holat takrorlansa, klub o‘z stadionidagi sektorni yopishga majbur bo‘lishi mumkin, deya ma’lum qildi Rossiya Futbol Ittifoqi (RFU) intizomiy qo‘mitasi rahbari Artur Grigoryans.

14 sentyabr kuni Moskva shahrida bo‘lib o‘tgan Rossiya Premyer Ligasining (RPL) sakkizinchi turida “SSKA” va “Zenit” jamoalari uchrashdi va mehmonlar 1:0 hisobda g‘alaba qozondi. O‘sha uchrashuvda “SSKA” muxlislari tomonidan “Zenit — Rossiya futboli uchun sharmandalik” degan hayqiriq ommaviy ravishda yangradi. Bu holat uchun klub 10 ming rubl jarimaga tortildi. Agar bu holat yana takrorlansa, 112-modda bo‘yicha jazo kuchaytirilishi va sektorlardan birini yopish qarori chiqarilishi mumkin. Qarorlar bosqichma-bosqich qabul qilinadi. Holat surunkali takrorlansa, qat’iyroq choralar ko‘riladi”, dedi Grigoryans jurnalistlarga bergan intervyusida.

Birinchi marta ushbu hayqiriq “Fakel” jamoasi muxlislari tomonidan o‘tgan mavsumning bahorida “Zenit” bilan bo‘lgan o‘yinda yangragan. Shundan so‘ng jumla boshqa Rossiya klublarining muxlislari tomonidan ham stadionlarda ishlatilgan.