“ЦСКА” футбол клуби мухлислари томонидан “Зенит — Россия футболи учун шармандалик” дея ҳайқиргани учун жаримага тортилди. Агар бу ҳолат такрорланса, клуб ўз стадионидаги секторни ёпишга мажбур бўлиши мумкин, дея маълум қилди Россия Футбол Иттифоқи (РФУ) интизомий қўмитаси раҳбари Артур Григорянс.

14 сентябрь куни Москва шаҳрида бўлиб ўтган Россия Премьер Лигасининг (РПЛ) саккизинчи турида “ЦСКА” ва “Зенит” жамоалари учрашди ва меҳмонлар 1:0 ҳисобда ғалаба қозонди. Ўша учрашувда “ЦСКА” мухлислари томонидан “Зенит — Россия футболи учун шармандалик” деган ҳайқириқ оммавий равишда янгради. Бу ҳолат учун клуб 10 минг рубль жаримага тортилди. Агар бу ҳолат яна такрорланса, 112-модда бўйича жазо кучайтирилиши ва секторлардан бирини ёпиш қарори чиқарилиши мумкин. Қарорлар босқичма-босқич қабул қилинади. Ҳолат сурункали такрорланса, қатъийроқ чоралар кўрилади”, деди Григорянс журналистларга берган интервьюсида.

Биринчи марта ушбу ҳайқириқ “Факел” жамоаси мухлислари томонидан ўтган мавсумнинг баҳорида “Зенит” билан бўлган ўйинда янграган. Шундан сўнг жумла бошқа Россия клубларининг мухлислари томонидан ҳам стадионларда ишлатилган.