Madridning "Real" klubi o‘zining rasmiy saytida Ispaniya chempionati 9-turidan o‘rin olgan "Vilyarreal"ga (2:0) qarshi o‘yinning 79-daqiqasida almashtirilgan vinger Vinisius Juniorning jarohati bo‘yicha bayonot berdi.
"Tibbiy tekshiruvlardan so‘ng futbolchimiz Vinisius Juniorda umurtqa pog‘onasi jarohati aniqlandi. O‘zgarishlarni kutamiz", - deyiladi klub bayonotida.
Joriy mavsumda Vinisius barcha musobaqalarda 12 ta uchrashuvda ishtirok etib, 4 ta gol va 7 ta golli uzatmani amalga oshirdi. Futbolchining klub bilan amaldagi shartnomasi 2027 yilning yoziga qadar amal qiladi.
