Мадриднинг "Реал" клуби ўзининг расмий сайтида Испания чемпионати 9-туридан ўрин олган "Вильярреал"га (2:0) қарши ўйиннинг 79-дақиқасида алмаштирилган вингер Винисиус Жуниорнинг жароҳати бўйича баёнот берди.
"Тиббий текширувлардан сўнг футболчимиз Винисиус Жуниорда умуртқа поғонаси жароҳати аниқланди. Ўзгаришларни кутамиз", - дейилади клуб баёнотида.
Жорий мавсумда Винисиус барча мусобақаларда 12 та учрашувда иштирок этиб, 4 та гол ва 7 та голли узатмани амалга оширди. Футболчининг клуб билан амалдаги шартномаси 2027 йилнинг ёзига қадар амал қилади.
