JCH-2026 saralashining «A» guruhidan o‘rin olgan 2 ta o‘yin bo‘lib o‘tdi.
Qatar terma jamoasi o‘z uyida Qirg‘izistonni qabul qilib, g‘alaba qozondi. 41-daqiqada Almoyez Ali hisobni ochgan bo‘lsa, 63-daqiqada Tamirlan Kozubayev to‘pni o‘z darvozasiga burib yubordi. O‘yin tugashiga 13 daqiqa qolganida Erbol Atabayev bitta javob to‘pini kiritgandi. Ammo orada ko‘p o‘tmasdan qatarliklar yana bitta gol urib, o‘yin taqdirini hal etishdi.
BAA esa o‘z maydonida KXDRni qabul qilib, muhim ochkolardan mahrum bo‘ldi. Mezbonlar futbolchisi 66-daqiqada koreyalik posbon bilan yakkama-yakka vaziyatga chiqib, hisobni ochdi.
74-daqiqada esa hakam VAR yordamida Amirlik darvozasi tomon penalti belgiladi. Kvang Song Xan tomonidan yo‘llangan zarbani BAA posbon qaytardi. O‘yin tugashiga 4 daqiqa qolganida koreyaliklar hisobni tenglashtirishga muvaffaq bo‘ldi.
Bugungi natijalardan so‘ng BAA va Qatarning ochkolari 4 taga yetdi. 15 oktyabr kuni BAA Toshkentga keladi. Qatar esa Dubayda Eron bilan to‘qnash keladi.
JCH-2026 saralash. "A" guruhi, 3-tur
QATAR - QIRG‘IZISTON
Gollar: Almoyez Ali (41), Tamirlan Kozubayev (63-avtogol), Ibrohim al-Hassan (81) — Erbol Atabayev (77).
BAA - KXDR - 1:1
Gollar: Yahyo al-G‘assaniy (66) — Jong Il-Gvan (86)
Noaniq penalti: Kvang Song Xan (74, darvozabon qaytardi).
| № | Jamoa | O‘yin | G‘alaba | Durang | Mag‘-t | T - N | Ochko | |
|---|---|---|---|---|---|---|---|---|
| 1 |  |
O‘zbekiston | 3 | 2 | 1 | 0 | 4-2 | 7 |
| 2 |  |
Eron | 3 | 2 | 1 | 0 | 2-0 | 7 |
| 3 |  |
BAA | 3 | 1 | 1 | 1 | 4-3 | 4 |
| 4 |  |
Qatar | 3 | 1 | 1 | 1 | 6-6 | 4 |
| 5 |  |
KXDR | 3 | 0 | 2 | 1 | 3-4 | 2 |
| 6 |  |
Qirg‘iziston | 3 | 0 | 0 | 3 | 3-7 | 0 |
