Yurgen Klopp "Liverpul" bosh murabbiyi sifatida ishlayotgan paytda "Red Bull"da ishlashga rozi bo‘lganligi ma’lum bo‘ldi.
O‘tgan chorshanba kuni Klopp 1 yanvardan boshlab guruhning barcha klublarini, shu jumladan Germaniyaning "Leypsig", Avstriyaning "Zalsburg" va Amerikaning "Nyu-York" klublarini nazorat qilish uchun "Red Bull"da "global futbol rahbari" lavozimini egallashi e’lon qilindi.
Klopp murabbiylik, o‘yin falsafasi, o‘yinchilar va murabbiylarning rivojlanishi va transferlari uchun javobgar bo‘ladi.
Germaniyaning TZ nashri xabariga ko‘ra, Klopp 2022 yilning sentyabrida "Zalsburg"da konsern asoschisi Ditrix Mateshis bilan uchrashib, "Red Bull"da ishlashga rozi bo‘lgan, u keyingi oy 78 yoshida vafot etgan.
O‘shanda ham Klopp 2025 yil boshidan yaqinda tanishtirilgan lavozimni egallashiga rozi bo‘lgandi.
Qo‘shimcha qilamizki, Klopp "Liverpul"ni tark etishini yanvar oyida, Mateshis bilan uchrashuvdan 15 oy o‘tib e’lon qilgan. Yurgen kuch-quvvati tugab qolgani va futboldan kamida bir yil tanaffus qilmoqchi ekanligini tushuntirdi.
"Bunday mega-shartnomaning uzoq vaqt davomida sir bo‘lib qolishi aql bovar qilmaydi. Formula 1da buni hech qachon amalga oshirib bo‘lmasdi" - dedi "Red Bull" sport maslahatchisi Xelmut Marko TZ nashriga.
