"Manchester Yunayted" pulni tejash maqsadida Aleks Fergyusonning to‘lovlarini qisqartirdi.

The Athletic nashri xabariga ko‘ra, joriy mavsum so‘ngida "mankunianliklar"ning sobiq murabbiyi klub elchisi sifatidagi faoliyati uchun klubdan "ko‘p million funt" to‘lovlarini boshqa olmaydi.

2013 yilda "Manchester Yunayted" bosh murabbiyligidan iste’foga chiqqan Fergyuson klubda elchi va klub boshqaruvidagi direktorlardan biri sifatida qoldi. Shotlandiyaning murabbiy elchi sifatidagi maoshi noma’lum, ammo 2014 yilda klub 2013 yilda elchi lavozimini egallaganidan beri unga 2,16 million funt sterling to‘lagani haqida xabar bergan edi.

INEOS rahbari va klub aksiyadori Jim Retkliff shaxsiy uchrashuvda Fergyusonga to‘lovlar to‘xtatilganini ma’lum qildi. Retkliff bu chorani klubdagi xarajatlarni kamaytirish istagi bilan izohladi.

Qayd etilishicha, masala tinch yo‘l bilan hal etilgan. 82 yoshli Fergyuson klub direktori sifatida qoladi va o‘yinlarga tashrif buyurishda davom etadi.

Fergyuson - "Manchester Yunayted" tarixidagi eng muvaffaqiyatli murabbiy. Jamoa boshqaruvidagi 26 yil davomida u 38 ta sovrinni qo‘lga kiritdi.