Rossiyalik aralash yakka kurash ustasi Nikita Krilovning keyingi jangi tafsilotlari ma’lum bo‘ldi.
U 17 noyabr kuni Nyu-Yorkda tashkil etiladigan UFC 309 turniri doirasida hamyurti Azamat Murzakanov bilan jang qiladi.
Krilov uchta g‘alabali seriyani qayd etgan holda yarim og‘ir vazn reytingida yettinchi o‘rinni egallab turibdi. U oxirgi jangini 2023 yil mart oyida o‘tkazgandi.
Murzakanov esa 2022 yil mart oyidagi debyutidan keyin ketma-ket to‘rtta g‘alabaga erishdi. U ayni damda reytingning 11-o‘rnida joylashgan.
