Roberto Manchini Saudiya Arabistoni terma jamoasidan muddatidan avval ishdan olinishi sabab katta tovon puli oladi.
Avvalroq Italiya terma jamoasi mutaxassisi Saudiya terma jamoasi bosh murabbiyi lavozimini tez orada tark etishi xabar qilingandi.
"Calcio e Finanza" xabariga ko‘ra, Manchini shartnomasi muddatidan oldin bekor qilingani uchun 25 dan 30 million yevrogacha tovon puli belgilagan, bu uning Saudiya Arabistonidagi yillik maoshiga teng. Tomonlar muzokaralar olib bormoqda, ayni paytda Manchinining iste’fosi Saudiya Arabistoni qiroli tomonidan tasdiqlanishi kerak.
