Noussair Mazraui joriy mavsumda raqibdan to‘pni olib qo‘yishlar soni bo‘yicha Angliya Premyer-ligasining eng yaxshi futbolchisi bo‘lib turibdi.

Premyer-liga matbuot xizmati ma’lumotlariga ko‘ra, marokashlik 39 ta muvaffaqiyatli harakatni amalga oshirgan.

Ikkinchi o‘rinda “Chelsi” a’zosi Moyzes Kaysedo va “Kristal Pelas” a’zosi Daniyel Munyos 38 tadan muvaffaqiyatli olib qo‘yish orqali keyingi o‘rinlarni egallagan.

Uchinchi o‘rinni 36 ta to‘p olib qo‘yish bilan "Lester"dan Vilfrid Ndidi egalladi.