Yakshanba oqshomida Italiya terma jamoasi Millatlar ligasida Fransiyani o‘z maydonida qabul qilib, 1:3 hisobida mag‘lub bo‘ldi. Natijada “uch ranglilar” guruhda birinchi o‘rinni egallashdi, “Skuadra Adzurra” esa ikkinchi o‘rin bilan kifoyalandi.

Opta xabariga ko‘ra, Italiya terma jamoasi 1983 yil 15 oktyabrdan buyon ilk bor o‘z uyidagi rasmiy o‘yinda ikki yoki undan ortiq to‘p farqi bilan mag‘lub bo‘ldi. O‘shanda "Skuadra Adzurra" Yevropa chempionati saralashida Shvesiyaga 0:3 hisobida imkoniyatni boy bergan edi.