"Tottenxem" yarim himoyachisi Deyan Kulushevski jamoasining joriy mavsumdagi beqaror o‘yinlari sabablari haqida gapirdi.
"Shporlar" joriy Premyer-liganing 11-turidan keyin atigi o‘ninchi o‘rinda bormoqda. Anje Postekoglu jamoasi chempionatdagi so‘nggi besh o‘yinining uchtasida mag‘lub bo‘ldi.
"Murabbiydan ko‘p narsani o‘rgandim, uning uslubini to‘liq qo‘llab-quvvatlayman. Men aynan shunday o‘ynashni xohlayman - juda tajovuzkor va har doim bir xil tarzda.
Albatta yaxshilashimiz kerak. Biz o‘yinda taraqqiyotni ko‘ryapmiz, ammo bu mavsumda biror narsa yutishni istasak, yaxshilanishimiz kerak.
Bu barchamiz uchun qiyin - biz samarali yo‘l topishimiz kerak. Biz qilayotgan ko‘p ishlarni ideal deb atash mumkin - biz hujumda juda yaxshimiz.
Lekin biz yaxshiroq himoyalanishimiz, oddiy gollar o‘tkazib yuborishni to‘xtatishimiz kerak. O‘ylaymanki, biz bu muammoni hal qila olamiz", dedi Kulushevski Sky Sports nashriga.
