"Тоттенхэм" ярим ҳимоячиси Деян Кулушевски жамоасининг жорий мавсумдаги беқарор ўйинлари сабаблари ҳақида гапирди.
"Шпорлар" жорий Премьер-лиганинг 11-туридан кейин атиги ўнинчи ўринда бормоқда. Анже Постекоглу жамоаси чемпионатдаги сўнгги беш ўйинининг учтасида мағлуб бўлди.
"Мураббийдан кўп нарсани ўргандим, унинг услубини тўлиқ қўллаб-қувватлайман. Мен айнан шундай ўйнашни хоҳлайман - жуда тажовузкор ва ҳар доим бир хил тарзда.
Албатта яхшилашимиз керак. Биз ўйинда тараққиётни кўряпмиз, аммо бу мавсумда бирор нарса ютишни истасак, яхшиланишимиз керак.
Бу барчамиз учун қийин - биз самарали йўл топишимиз керак. Биз қилаётган кўп ишларни идеал деб аташ мумкин - биз ҳужумда жуда яхшимиз.
Лекин биз яхшироқ ҳимояланишимиз, оддий голлар ўтказиб юборишни тўхтатишимиз керак. Ўйлайманки, биз бу муаммони ҳал қила оламиз", деди Кулушевски Sky Sports нашрига.
