Superligada 25-tur o‘yinlari davom ettirildi. «Bunyodkor» jamoasi bu tur safarda «Olimpik» bilan kuch sinashdi va 1:0 hisobida raqibdan ustun keldi. Bellashuvdan so‘ng jamoa murabbiyi Ilyos Zeytullayev matbuot anjumanida ishtirok etdi.

— O‘yin avvali biroz asabiy o‘tdi, ammo yakunda Superligada qolish ishtiyoqi ustunlik qildi. Biz yigitlarga vaziyatdan chiqib ketishimiz shart ekanligini aytdik va ular murabbiylar shtabiga yordam berishlarini so‘ragan edik. Bizga biroz yetishmayotgan narsalar bor, ammo biz to‘g‘ri yo‘ldamiz.

— «Bunyodkor»da birinchi bo‘limda hech narsa o‘xshamadi. Ikkinchi taymdagi o‘zgarishlar vaziyatga ta’sir qildi.

— So‘nggi uchrashuvlarda yigitlar asosiy yoki zaxira futbolchisi yo‘q ekanligini tushunishdi. Bizda zaxiradan qo‘shilayotganlar o‘yinimizni kuchaytirib berishmoqda. Bugun ham shunday bo‘ldi. Bu jamoa ruhi. Har bir ijrochi o‘z vazifasini to‘g‘ri bajarmoqda. Birinchi bo‘limda «Metallurg»da bo‘lgani kabi, g‘alaba qozonishdan qo‘rqqani yo‘q. Biz masalani hal qilish uchun 2-3 imkoniyatga ega bo‘ldik va hammasini ertaroq yakunlashimiz ham mumkin edi.