Lissabonning “Sporting” klubi vingeri Jovanni Kenda “Manchester Yunayted”ning transfer maqsadiga aylandi. "Qizil iblislar"ning yangi bosh murabbiyi, avvalroq "Sporting"da bo‘lgan Ruben Amorim vunderkind bilan Angliyada ishlamoqchi.

A Bola xabariga ko‘ra, "Manchester Yunayted" 17 yoshli futbolchini mavsum yakunlanganidan so‘ng o‘z safiga qo‘shib olmoqchi. Ingliz grandi transfer uchun bonuslarni hisobga olmaganda 50 million funt sterling to‘lashga tayyor.

Jovanni Kenda ushbu mavsumda 19 ta o‘yinda maydonga tushib, 2 ta gol urdi va 2 ta golli uzatmani amalga oshirdi.