Olimpiada sovrindorlaridan samarqandlik yosh dzyudochilar uchun “master klass”!
Dzyudo bilan shug‘ullanayotgan samarqandlik bolalar uchun unutilmas tadbir tashkil etildi.
Tokio-2020 hamda Parij-2024 Olimpiya o‘yinlari sovrindorlari, jahon chempionlari Davlat Bobonov va Muzaffarbek To‘raboyev samarqandlik yosh dzyudochilar uchun master klass, ya’ni mahorat sabog‘i o‘tkazishdi.
Sportimiz yulduzlari bilan o‘tkazilgan mashg‘ulot bolalarning bir umr yodida qoladigan bo‘ldi. Albatta, ular o‘zlari havas qilgan dzyudochilar bilan yelkama-elka turib shug‘ullanishdi. Katta yo‘l boshida turgan yosh dzyudochilarimiz uchun bu haqiqiy bayram bo‘ldi.
Tadbir so‘ngida ikki avlod vakillari esdalik uchun suratga tushishdi. Fotosessiya oldidan esa dzyudochilarga sovg‘alar ulashildi.
