Milanning “Inter” klubi markaziy himoyachisi Alessandro Bastoni boshqa klublardan taklif olganini tan oldi. Turli vaqtlarda italiyalikni Yevropaning boshqa gigantlari safiga o‘tish bilan bog‘lashdi.

"Tasdiqlashim mumkinki, avvalroq boshqa klublar meni qo‘lga kiritishni xohlashgan, ammo mening mutlaq ustuvorligim doimo “Inter” bo‘lgan. Agar futboldan tashqari hayot haqida gapiradigan bo‘lsak, bu yerda mening oilam juda xursand. Men barcha asosiy turnirlarda kurashadigan jamoada o‘ynayman", - deydi Bastoni.