"Milan" tarixidagi eng shonli sahifalar Marko van Basten nomi bilan bog‘liq bo‘lib, niderlandiyalik hujumchi jarohatlar tufayli faoliyatini muddatidan avval yakunlagan bo‘lsa-da, bu klub safida yulduzga aylana olgan.
Undan klubda yetakchilik vazifasini bajaruvchi va Yevropa futboli cho‘qqilariga qaytishlariga yordam berishga harakat qilayotgan Zlatan Ibrahimovich haqida so‘rashdi.
"Men uni yetakchi bo‘ladi deb o‘ylamagan edim. Ammo u butun dunyo bo‘ylab sayohat qildi, u ko‘plab klublarda o‘ynadi va hamma joyda o‘zining g‘alaba qozonish mentalitetini ko‘rsatdi, u buni milanlik futbolchilarga o‘tkazdi. Zlatan ularni yana cho‘qqiga olib chiqishi mumkin", - deya van Basten so‘zlarini keltiradi pianetmilan.it.
