"Милан" тарихидаги энг шонли саҳифалар Марко ван Бастен номи билан боғлиқ бўлиб, нидерландиялик ҳужумчи жароҳатлар туфайли фаолиятини муддатидан аввал якунлаган бўлса-да, бу клуб сафида юлдузга айлана олган.
Ундан клубда етакчилик вазифасини бажарувчи ва Европа футболи чўққиларига қайтишларига ёрдам беришга ҳаракат қилаётган Златан Ибраҳимович ҳақида сўрашди.
"Мен уни етакчи бўлади деб ўйламаган эдим. Аммо у бутун дунё бўйлаб саёҳат қилди, у кўплаб клубларда ўйнади ва ҳамма жойда ўзининг ғалаба қозониш менталитетини кўрсатди, у буни миланлик футболчиларга ўтказди. Златан уларни яна чўққига олиб чиқиши мумкин", - дея ван Бастен сўзларини келтиради pianetmilan.it.
