«Zalsburg» jamoasiga yangi bosh murabbiy tayinlandi.

Jamoani 56 yoshli Tomas Lech qabul qilib oldi, deya xabar bermoqda Avstriya klubi matbuot xizmati.

Nemis mutaxassisi 2027 yilga qadar shartnoma imzoladi va 3 yanvar kuni rasman tanishtiriladi. Lechning oxirgi ish joyi «Boxum» bo‘lgan.

Oldinroq «Red Bull Zalsburg» Yurgen Kloppning «Liverpul»dagi sobiq yordamchisi Pep Leyndersni iste’foga chiqargandi. Uning qo‘l ostida jamoa Avstriya chempionatida 5-o‘rinda, Chempionlar ligasida esa 6 uchrashuvda 5 ta mag‘lubiyatga uchragan va turnir jadvalida 32-o‘rinni egallab turgandi.