«Зальцбург» жамоасига янги бош мураббий тайинланди.
Жамоани 56 ёшли Томас Леч қабул қилиб олди, дея хабар бермоқда Австрия клуби матбуот хизмати.
Немис мутахассиси 2027 йилга қадар шартнома имзолади ва 3 январь куни расман таништирилади. Лечнинг охирги иш жойи «Бохум» бўлган.
Олдинроқ «Ред Булл Зальцбург» Юрген Клоппнинг «Ливерпуль»даги собиқ ёрдамчиси Пеп Лейндерсни истеъфога чиқарганди. Унинг қўл остида жамоа Австрия чемпионатида 5-ўринда, Чемпионлар лигасида эса 6 учрашувда 5 та мағлубиятга учраган ва турнир жадвалида 32-ўринни эгаллаб турганди.
