Jurnalist, sharhlovchi Davron Fayziyev yurtimizda yangi ochilishi kutilayotgan Futbol TV telekanali haqida bilgan ma’lumotlari bilan o‘rtoqlashdi.
"Yanvar oyi boshidan futbolga ixtisoslashgan telekanal ishga tushishi haqida ma’lumotlar chiqdi. Instagram'da ham savollar berishdi bu haqda. Shu bo‘yicha mendagi ma’lumotni aytib o‘tmoqchiman. Ha, 2025 yilning ilk kunlaridan MTRK tizimida yangi Futbol kanali faoliyat boshlashi rejalashtirilgan. Shu paytgacha efirga uzatilgan FL kanali to‘lqinida bo‘ladi, ya’ni televizoringizda alohida qidirib o‘tirmaysiz. O‘zi avval ham Foreign Languages parallel uchrashuvlar translyasiyasini amalga oshirardi. Endi to‘liq futbol mavzusiga adaptasiya qilinadi. Aksariyat sharhlovchi va jurnalistlar Sport telekanalidan jalb qilinadi, balki yangi yuz va ovozlarni ham ko‘rarmiz. Kontentlardan xabarim yo‘q, buni efirda ko‘ramiz endi. Bilganlarim shu", - deb yozdi Fayziyev.
