Italiya Superkubogi g‘olibi 8 million yevro oladi.
Bugun "Inter" yarim final uchrashuvida "Atalanta"ni mag‘lub etib (2:0) turnir finaliga chiqdi. Sovringa ikkinchi da’vogar ertaga bo‘lib o‘tadigan "Milan" - "Yuventus" uchrashuvida ma’lum bo‘ladi.
Yarim finalda mag‘lub bo‘lgan ikki jamoa 1,6 million yevrodan, "neradzurrilar" va ikkinchi juftlik g‘olibi esa 3,6 million yevrodan oladi.
La Gazzetta dello Sport xabariga ko‘ra, bu summadan tashqari, finalda mag‘lub bo‘lgan jamoa 5 million yevro mukofot puliga ega bo‘ladi.
2025 yilgi Italiya Superkubogi g‘olibi 8 million yevro miqdoridagi qo‘shimcha pul mukofotiga ega bo‘ladi.
Turnir finali 6 yanvar kuni Saudiya Arabistonidagi "Kingdom Arena"da bo‘lib o‘tadi.
