Osiyo Chempionlar Ligasining ikki karra g‘olibi va Xitoyning sakkiz karra chempioni "Guanchjou" 2025 yilda professional futbolda ishtirok etmaydi, deb xabar beradi klub matbuot xizmati.
Ta’kidlanishicha, Xitoy futbol assosiasiyasi moliyaviy muammolar tufayli jamoaga bo‘lajak mavsumda ishtirok etish uchun ruxsat bermagan.
"Klub yangi mavsumda professional ligaga kirish uchun juda ko‘p harakatlarni amalga oshirdi, ammo yillar davomida orttirilgan katta qarz tufayli, professional ligada ishtirok etish uchun mablag‘ yetarli emas", deyiladi bayonotda.
"Guanchjou" 2011 yildan 2017 yilgacha, shuningdek 2019 yilda Xitoy chempionatida g‘olib chiqdi. Jamoa 2013 va 2015 yillarda Osiyo Chempionlar Ligasida g‘olib chiqdi.
Yillar davomida Marchello Lippi, Luis Felipe Skolari va Fabio Kannavaro kabi mutaxassislar Guanchjou klubiga murabbiylik qilgan.
"Guanchjou" so‘nggi yillarda Xitoy birinchi ligasida o‘ynab kelmoqda va jamoa o‘tgan mavsumda Superligaga chiqa olmagan edi.
