"Milan" xo‘jayinlarining maslahatchisi Zlatan Ibrahimovich Italiya Superkubogi finalida "Inter" ustidan qozonilgan g‘alabadan so‘ng (3:2) kiyinish xonasida nutq so‘zladi.
"Biz maqsadlarimizdan biriga erishdik. Jamoa shunday istak bilan o‘ynasa, sizlarni mag‘lub etish qiyin. Mavsum boshlanganda hammasi sizga bog‘liq, barcha muammolar sizning boshingizda ekanligini aytgandim. Endi biz Italiyaga qaytib, shu mentalitetni saqlab qolishimiz, ochko to‘plashimiz va imkon qadar yuqori natijaga erishishimiz kerak.
Jamoani, murabbiyni va uning shtabini tabriklayman, siz bir necha kun ichida ajoyib ishni uddaladingiz", - deya Ibrahimovichning so‘zlarini keltiradi klub matbuot xizmati.
