Madridning “Real” klubi bosh murabbiyi Karlo Anchelotti Ispaniya Superkubogida “Barselona” bilan bo‘lajak final o‘yini haqida gapirdi.
"Klasikoni har doim oldindan aytib bo‘lmaydi. Biz osonlikcha g‘alaba qozongan o‘yinlar ham bo‘ldi, bizni mag‘lubiyatga uchratgan uchrashuvlar ham bo‘ldi. Final qanday bo‘lishini tasavvur qilish qiyin, lekin qiziqarli bo‘ladi, chunki maydonda ko‘plab iqtidorlar bo‘ladi. Hammasi qanday bo‘lishini bilmayman. Biz "Barselona"ni yutishga harakat qilamiz", - deya Anchelottining so‘zlarini keltiradi Madrid klubi rasmiy sayti.
"Real Madrid" va "Barselona" o‘rtasidagi Ispaniya Superkubogi final uchrashuvi 12 yanvar kuni Toshkent vaqti bilan soat 00:00da boshlanadi.
