"Barselona" yarim himoyachisi Pedri klub bilan shartnomasini uzaytirishi mumkinligi haqida fikr bildirdi.
"Ayni damda agentlarim va klub menga hammasi yaxshi ketayotganini aytishmoqda. Lekin menimcha, hozir bu haqda gapirishning mavridi emas, ayniqsa, katta final oldidan. Hozir butun bor e’tiborimni finalda g‘alaba qozonishga qaratganman", dedi Pedri jurnalistlarga.
Ispaniyalik yarim himoyachi 2019 yildan buyon "Barselona"da o‘ynab kelmoqda. Joriy mavsumda u barcha turnirlarda 27 ta o‘yinda maydonga tushib, 4 ta gol urdi va 3 ta golli uzatmani amalga oshirdi. Pedrining kataloniyaliklar bilan amaldagi shartnomasi 2026 yilning iyunigacha mo‘ljallangan. Transfermarkt ma’lumotlariga ko‘ra, futbolchining narxi 100 million yevro.
