"Ayaks" sardori Jordan Xendersonni "Monako"ga sotishdan bosh tortdi.
Bu haqda De Telegraaf xabar bermoqda.
Manbaga ko‘ra, Niderlandiya klubi o‘z futbolchisini qishda "Monako"ga sotishdan bosh tortgan va yozgi transfer oynasida taklifni muhokama qilishni istamasligini bildirgan.
Jordan Xenderson joriy mavsum "Ayaks" safida 31 ta o‘yinda maydonga tushib, 5 ta golli uzatmani amalga oshirdi.
Angliyalik yarim himoyachi 2024 yilning yanvarida Saudiya Arabistonining “Al-Ittifoq” klubini tark etib, erkin agent sifatida Niderlandiya klubiga kelib qo‘shilgan edi. Xenderson avvalroq "Liverpul" sardori edi.
Eslatib o‘tamiz, “Monako” Chempionlar ligasi pley-off bosqichining dastlabki bosqichida ishtirok etadi. Shu bilan birga, "Ayaks" bugun, 30 yanvar kuni Yevropa Ligasi pley-off bosqichi yo‘llanmasi uchun kurashni davom ettiradi.
