"Аякс" сардори Жордан Хендерсонни "Монако"га сотишдан бош тортди.
Бу ҳақда De Telegraaf хабар бермоқда.
Манбага кўра, Нидерландия клуби ўз футболчисини қишда "Монако"га сотишдан бош тортган ва ёзги трансфер ойнасида таклифни муҳокама қилишни истамаслигини билдирган.
Жордан Хендерсон жорий мавсум "Аякс" сафида 31 та ўйинда майдонга тушиб, 5 та голли узатмани амалга оширди.
Англиялик ярим ҳимоячи 2024 йилнинг январида Саудия Арабистонининг “Ал-Иттифоқ” клубини тарк этиб, эркин агент сифатида Нидерландия клубига келиб қўшилган эди. Хендерсон аввалроқ "Ливерпуль" сардори эди.
Эслатиб ўтамиз, “Монако” Чемпионлар лигаси плей-офф босқичининг дастлабки босқичида иштирок этади. Шу билан бирга, "Аякс" бугун, 30 январь куни Европа Лигаси плей-офф босқичи йўлланмаси учун курашни давом эттиради.