Vinisius Junior "Real" bilan shartnomasini uzaytirish masalasini muhokama qilishga shoshilmayapti.
Qanot vingerining Madrid klubi bilan amaldagi shartnomasi 2027 yilgacha mo‘ljallangan. Tomonlar hamkorlikni kengaytirish bo‘yicha muzokaralarni boshladi.
«ESPN» xabariga ko‘ra, "Real Madrid" futbolchi bilan yangi shartnoma imzolashga va uning maoshini oshirishga tayyorligini bildirgan. Biroq braziliyalik vakillariga hozircha rasmiy takliflar bo‘lgani yo‘q, muzokaralar esa dastlabki bosqichda.
Vinisiusning o‘zi ham amaldagi shartnomasidan mamnun va muzokaralarga vaqt ajratmoqda.
Tomonlarning navbatdagi uchrashuvi ikki haftadan so‘ng, Chempionlar ligasi doirasidagi "Manchester Siti"ga qarshi javob o‘yinidan so‘ng bo‘lib o‘tadi.
