"Barselona" yarim himoyachisi Pedri "Sevilya"ga (4:1) qarshi o‘yindan keyin hakamlar ishi haqida gapirdi.
Uchrashuvning 62-daqiqasida kataloniyaliklar bir kishi kam bo‘lib qoldi - Fermin Lopes maydondan chetlatildi. Qolgan daqiqalarda "ko‘k-anorranglilar" yana bir gol urib, hisobni yirik ko‘rinishga olib keldi.
"Men hakam bilan gaplashdim va unga boshqa o‘yinlarda menga qarshi juda qo‘pol harakatlar qilingani, ammo o‘yindan chetlatilmaganini eslatdim. Tushunmadim, nima uchun barcha o‘yinlarda turlicha hakamlik qilishadi," - dedi Pedri OAV bilan suhbatda.
