"Барселона" ярим ҳимоячиси Педри "Севилья"га (4:1) қарши ўйиндан кейин ҳакамлар иши ҳақида гапирди.
Учрашувнинг 62-дақиқасида каталонияликлар бир киши кам бўлиб қолди - Фермин Лопес майдондан четлатилди. Қолган дақиқаларда "кўк-анорранглилар" яна бир гол уриб, ҳисобни йирик кўринишга олиб келди.
"Мен ҳакам билан гаплашдим ва унга бошқа ўйинларда менга қарши жуда қўпол ҳаракатлар қилингани, аммо ўйиндан четлатилмаганини эслатдим. Тушунмадим, нима учун барча ўйинларда турлича ҳакамлик қилишади," - деди Педри ОАВ билан суҳбатда.













