Uilyam Gallas "Tottenxem"ning joriy mavsumdagi muvaffaqiyatsizliklari haqida o‘z fikri bilan o‘rtoqlashdi.
London klubi Angliya Premyer-ligasida 24 uchrashuvda 27 ochko jamg‘argan holda 14-o‘rinda bormoqda.
"Har bir jamoa qanday o‘ynashga harakat qilishini aniq biladi. Postekogluning taktikasi o‘tgan mavsumda ko‘pchilikni hayratda qoldirdi, u ajoyib natijalarga erishdi, ammo oxiriga kelib ular barbod bo‘ldi.
Ular bu mavsumda umuman hech narsa qilishmayapti. Har bir raqib sizni mag‘lub etishi mumkin bo‘lgan Premyer-ligada ularga imkoniyat bersangiz, jazolanasiz", dedi sobiq futbolchi.
