Koke jarohati sabab bir oydan ko‘proq vaqtni o‘tkazib yuboradi.
"Atletiko" jamoa sardoriga o‘ng oyog‘idagi mushak jarohati tashxisi qo‘yilganini e’lon qildi. U "Selta"ga qarshi bahsni noqulay vaziyatda yakunladi.
Futbolchining tiklanish vaqti e’lon qilinmagan, biroq Marca.com nashrining yozishicha, barchasi yarim himoyachining xalqaro tanaffus oxirigacha maydonga tushmasligidan dalolat beradi. Shu tariqa yarim himoyachi 30 martdan oldin maydonga qaytmaydi.
33 yoshli futbolchi joriy mavsumda La Ligada 23 ta o‘yin o‘tkazib, 1 ta gol va 1 ta golli uzatmani amalga oshirdi.
