"Barselona" 36 yoshli hujumchi Robert Levandovskining o‘rniga futbolchi qidirmoqda.

Polyakning shartnomasi yaqinda avtomatik tarzda 2026 yilning yoziga qadar uzaytirildi.

Yulduzli faxriy 2025/26 yilgi mavsum yakunlanganidan keyin jamoani tark etishi ehtimoli katta, shu bois klub hozirdan bo‘lajak voris haqida o‘ylamoqda.

Transfer News Live nashrining xabar berishicha, kataloniyaliklar rahbariyati "Liverpul" futbolchisi Darvin Nunyesni ideal nomzod deb hisoblamoqda.

Urugvaylik futbolchi Angliyada o‘zini ko‘rsata olmadi va sotuvga qo‘yilishi mumkin.