"Milan" hali ham inqirozdan chiqish uchun kurashmoqda, Serxio Konseysauning dastlabki muvaffaqiyatlari ortidan muvaffaqiyatsizliklar ham kelib chiqqan - Chempionlar ligasidan chiqib ketish, shuningdek, Italiya chempionatidagi notekis o‘yinlar.
Vaziyatni "Milan"ning sobiq futbolchisi Roberto Donadoni izohladi.
"Ochig‘i, umidlar boshqacha edi, aminmanki, "Milan"ning harakati biz ko‘rganimizdan boshqacha bo‘lishi mumkin edi.
Vaziyatni tashqaridan izohlash men uchun qiyin, faqat bir narsani aytishim mumkin – inqirozdan chiqishning aniq yo‘lini hozircha ko‘rmayapman va bu kamida ikki yildan beri davom etmoqda", — deya Donadonining so‘zlarini keltiradi pianetamilan.it.
