Tishi olib tashlangani sababli Kilian Mbappe bir necha kun mashg‘ulotlardan chetda qoldi va "Real Sosyedad"ga qarshi kubok o‘yinini o‘tkazib yubordi. Fransuz bugundan yana mashg‘ulotlarga qaytdi.
«AS» xabariga ko‘ra, shifokorlar Mbappega "yashil chiroq" yoqdi va u La Liganing navbatdagi turida "Betis"ga qarshi o‘yinda "Real"ga yordam berishga tayyor bo‘ladi. O‘yin 1 mart, shanba kuni bo‘lib o‘tadi, start hushtagi Toshkent vaqti bilan 22:30 da yangraydi.













